Jannah Theme License is not validated, Go to the theme options page to validate the license, You need a single license for each domain name.
منوعات

نور كويفاتي في رثاء والدتها الفنانة السورية الراحلة ميادة بسيليس

نور كويفاتي في رثاء والدتها الفنانة السورية الراحلة ميادة بسيليس

ماما حبيبتي… يا أصدق و أطهر و أنقى قلب بالعالم…السـ.ـرطان الحـ.ـقير سرقك منا و أكلك و دمـ.ـرك بوحـ.ـشية طول هالعشر سنين… ضليتي تقـ.ـاومي و تقـ.ـاومي و كنتي كتير خايفة علينا مو على حالك.

بس هو كان أقـ.ـوى من كل شي…. و ضل ينهـ.ـش بلحـ.ـمك و ياكل عضـ.ـامك و يعـ.ـذبك و يوجعـ.ـك لحتـ.ـى أخـ.ـدك منا و حرمـ.ـنا منك للأبد.

كتير كنتي آكلة همي و خايـ.ـفة عليـ.ـي و صليتيلي و دعيتيلي لحتى تمرق فترة حملي و ولادتي بخير.

و الحمد لله ما ضلت حسرة بقلبك ولا بقلبي…. اجيت لعندك ع حلب و جبتلك مياس و حطيتو بحضنك متل ما كنتي حابة و مياس كتير محظوظ انك حملتيه و ضميتيه و بستيه و صليتيلو و دعيتيلو و غنيتيلو.

و أنا كمان ارتحت اني ودعتك مبارح و ضميتك و بستك و شميتك و بست ايديكي و انبسطت لما خبرتيني انك رضيانة عليي و لما كمشتي ايدي مشان تبوسيها يا روحي انتي لأنك ما قدرتي تحكي و تخبريني انك بتحبيني…. بس أنا بعرف انو ما حدا بالدنيا حبني قدك….

تابعنا على أخبار غوغل نيوز 

انتي الحب كلو….. و رح تضلي عايشة جواتي كل العمر…. أنا سكنت ببطنك تسع شهور بس انتي رح تضلي ساكنة بقلبي و روحي و عقلي و تفكيري لحتى موت و ارجع التقى فيكي بالسما….. أنا قطعة منك و نسخة عنك بشهادة كل الناس و فخورة اني أكتر وحدة بشبهك …. كلما بطلع بالمراية بشوف صورتك بوجهي….

انتي ما رح تمـ.ـوتي…. انتي قديستي و شفيعتي…. و ما عاد عندي واسطة مع الله غيرك انتي.

بوعدك دير بالي على صحتي متل ما طلبتي مني و دير بالي على هيفا متل ما وعدتك… و بوعدك نفذ وصيتك و علّم مياس موسيقا و رح يكون انشالله عازف و مطرب و صوتو حلو متل ما انتي متوقعة… و رح يرفع راسو فيكي و رح يكونوا ولادي فخورين كتير بستهن أيقونة الفن السوري….

الحمدلله الله عطاكي شوية عمر زيادة مشان تقدري تشوفي ولادي و تحمليهن…. مع انو حظ هيفا كان أحسن من مياس انو عاشت معك تفاصيل أكتر و عندها معك ذكريات أكتر….

بس هيك نصيبنا…. و هيك بدو القدر….
وداعاً ماما….. بحبك بحبك بحبك يا وجع قلبي و كوني متأكدة انو ما في شي بالدنيا كسرلي قلبي قد رحيلك و رح ضل مكسورة كل العمر….. و رح اشتقلك كتيرررررر و صوتك صار يوجعني كتيرررر و لسا عندي كتير حكي و كتير قصص بدي خبرك ياها و ما شبعت منك…….

اترك تعليقاً

زر الذهاب إلى الأعلى